Facebook:
Bosveldklong Ondersteuners Groep

Twitter: @Bosveldklong

Naam:
Thys Streicher

Geboorte datum:
17 Junie 1974

Thys se eerste CD (Man se ding) verskyn 1997. Hier volg 'n lys van sy vrystellings tot op hede;

1997 Man se Ding
1999 Ma se Pa se
1999 Gee dit Horings
2001 Ek hou nie van werk nie
2002 Jaloersbokkie
2003 In die Middel
2004 Korrektiewe Afrikaans ( dubbel cd )
2004 Boeretroos
2005 Thys die Bosveldklong ; Grootste treffers "Live" ( DVD )
2006 Vet Pret
2007 Vet Pret "live show" ( DVD )
2007 Op Veiling (dubbel cd met country treffers)
2009 – Kom Lag n Slag "Live Show" (DVD)
2009 – "Net virrie Grap" DVD (bestes uit reeks 1&2)
2010 - 20 Treffers / 10 Jaar.

Al hierdie CD's het "goue" of "platinum status" bereik. Thys het ook die eerste SAMA- toekenning vir komedie gewen in 2009 met sy "Op Veiling"cd en is al vir elke denkbare musiek toekenning benoem.

Thys het ook n rits baie interessante produkte wat by sy vertonings beskikbaar is: CD's, DVD's, boeke , hoedjies , plakkers , fotos , wyne , braai reeks, stresflesse en selfs n "Bossie se Flossie" G-string!

Thys is n baie bekende gesig op TV en het al in programme soos Bangjan Dooiejan, Dis hoe dit is , Stoute boude, Kwêla , DKNT , Pasella , Belboks , Fiesta en Maak n Las sy buiging gemaak. Hy het ook in 2001 by die Maak n Las span aangesluit en was vir vier reekse mede-aanbieder van hierdie gewilde SABC2 reeks.

Thys is ook te sien op Kyknet as aanbieder, vervaardiger en konsephouer van die humoristiese reis-program "Net virrie Grap".
Hy toer ook die land vol met sy skaterlag "Rolmodelle" produksie wat saam met kollegas: Zak van Niekerk, Gerhard Odendaaal en Jaco Labuschagne gedoen word.


Thys het ook sy film debuut gemaak in 2002 saam met Steve Hofmeyr in "a Case of Murder " waar hy die rol van die trein kondukteer vertolk het ! ! ! Die film was al n paar keer op M-net uitgesaai en is ook op dvd beskikbaar.

Thys die Bosveldklong konserte en musiek is heerlik humoristies en word geluister en geniet deur oud & jonk. Hy sing oor als wat snaaks is (somtyds die snaaks in ernstige situasies) en skeer graag die gek met alles en almal (insluitend homelf). Sy konserte is baie gewild en skreeusnaaks. Mense stroom na sy vertonings om na sy kwinkslae en lekker voete- jeuk musiek te luister. Thys se musiek en humor is vir die hele gesin ….. selfs die dominee ook !

Thys is ook bekend as n hardwerkende man wat nie sommer na 12h00 in die middag nog in die bed sal deurbring nie. Hy's gewoonlik op sodra die son deur sy kamervenster skyn (kamer aan weste kant van sy huis).

Thys is in 2009 getroud met Debbie Streicher. Sy is n binnehuise versierder en ontwerper. Deesdae moet die beroep kompeteer met n fris jong baba-seuntjie genaamd Stiaan Streicher (gebore: 25 Julie 2010), wat al sy mamma se aandag en energie verg!

Thys se broer, Piet Streicher toer altyd saam en behartig die klanksisteem en beligting, kantoor, produkte en verkope by die vertonings. Broerpiet (soos almal hom noem) is n gesoute klankman en doen ook gereeld klank en beligting vir verskeie kunstenaars met feeste en ander geleenthede. Piet is ook Thys se venoot in hul familie besigheid "Bosveldklong Promosies & Produksies". Die twee broers werk al vir 12 jaar saam, is beste maats en onafskeidbaar.

Thys is ook n gekwalifiseerde afslaer, (SA College of Auctioneering 2007, Goue Diploma vir 85% slaagsyfer) en kan genader word om jou volgende veiling te behartig.
Hy doen gereeld liefdadigheids funksies en samel groot bedrae in met sy veilings.
Kontak hom gerus om oor enige veiling van wyn tot eiendom te gesêls.

Thys die Bosveldklong is trots Afrikaans en gebruik Engels net uit self verdediging. Sy stokperdjies sluit als in van teken , scuba-duik , valskermspring , motorfiets ry , vlieg-hengel , lees , braai ,
kuier , vakansie hou tot rekspronge ! (met daai lyfie – kan jy glo ? ).

Thys sê "lag hou jou gesond!" en mens moenie die lewe te ernstig opgeneem nie want jy kom nie lewendig daar uit nie!!!

Konsert besprekings by:

Piet: 012 259 1774 / 083 445 1042 of

Terms of Use | Privacy Policy | © Bosveldklong 2007 | deur FGX Studios